სიახლეები

        • პირველკლასელთა რეგისტრაცია დაიწყო

        • 28/04/2023

        • ძვირფასო მშობლებო!

          2023-2024 სასწავლო წლისათვის "მენაფირის აკადემიაში" პირველკლასელთა რეგისტრაცია იწყება.

          პირველკლასელთა პირველი ჯგუფი შეივსო და დაიწყო რეგისტრაცია მეორე ჯგუფისთვის.

          "მენაფირის აკადემიაში" გელოდებათ:

          მოსწავლეზე ორიენტირებული

          უსაფრთხო სასწავლო გარემო

          გაძლიერებული ინგლისურისა და მათემატიკის პროგრამები

          ჭადრაკის, არტ თერაპიისა და

          ქართული ცეკვის წრეები

          მოსწავლეთა მაქსიმალური რაოდენობა 15

          ორჯერადი ჯანსაღი კვება

          გახანგრძლივებული ჯგუფი 09:00-დან 18:00 საათამდე

          სურვილის შემთხვევაში შეგიძლიათ შეარჩიოთ დამატებითი მომსახურება, რომელიც არ შედის სწავლის საფასურში:

          ტრანსპორტით მომსახურება

          სამეჯლისო ცეკვები

          სწავლის წლიური საფასური შეადგენს 3000 ლარს, რომელიც ნაწილდება 10 გადახდად, სემესტრულად ან წლიურად (დედმამიშვილების შემთხვევაში 2750 ლარი).

          რეგისტრაციისათვის გადადით მითითებულ ბმულზე:

          https://docs.google.com/…/1rp3yGlBHNxK6DPKPSdPS7XC8rZd…/edit

          გისურვებთ წარმატებას

        • მოსწავლეები ეწვივნენ "თბილ სახლს"

        • 28/04/2023

        • "მენაფირის აკადემიის" მოსწავლეთა თვითმმართველობის ინიციატივითა და ორგანიზებით, სამოქმედო გეგმის შესაბამისად ჩატარდა მორიგი აქტივობა. მოსწავლეები ეწვივნენ "თბილ სახლს" და გაახარეს პატარები.

        • 9 აპრილის ღონისძიება

        • 28/04/2023

        • დღეს 9 აპრილის აქციის დარბევის შემდეგ 34, ხოლო დამოუკიდებლობის აღდგენიდან 32 წელი გავიდა. ყოველი ქართველისთვის ამ თარიღის, როგორც ქართველთა ერთიანობის და თავისუფლების სიმბოლოს მნიშვნელობა, განუზომლად დიდია.

          ,,მენაფირის აკადემიის” მოსწავლეებმა, ისტორიის პედაგოგების მაკა ბაშელეიშვილის ინიციატივით და გიორგი მენაფირის მხარდაჭერით, ჩაატარეს ღონისძიება, რომელიც ახსენებდა დამსწრე საზოგადოებას 9 აპრილის ისტორიულ მნიშვნელობას. აღსანიშნავია რომ, ზემოთხსენებულ ღონისძიებაში ჩართული იყო ყველა საფეხურის მოსწავლე. მათ გაიხსენეს 9 აპრილის პერიპეტიები და ისტორიული ფირებთან ერთად მაყურებელს აჩვენეს მოსწავლეების გამოკითხვა 9 აპრილის შესახებ, სადაც მათ თავიანთი აზრი დააფიქსირეს ამ უმნიშვნელოვანეს ისტორიულ მოვლენასთან დაკავშირებით. დღე მეტად ემოციური გამოდგა, რასაც ტრადიციული ცეკვა და სიმღერა კიდევ უფრო ამაღელვებელს ხდიდა.

        • დაწყებითი საფეხურის კათედრის კვირეული

        • 28/04/2023

        • ,,მენაფირის აკადემიაში " ტრადიციული საგნობრივი კვირეული დაიწყო, რომელშიც ჩართულია დაწყებითი საფეხურის, ქართული ენისა და ლიტერატურის, უცხო ენების, მათემატიკის, სპორტისა და ესთეტიკის, საბუნებისმეტყველო და საზოგადოებრივ მეცნიერებათა კათედრები. კვირეული არის ანგარიში მასწავლებელთა და მოსწავლეთა საქმიანობისა. ყოველი დღე მიზნობრივადაა გაწერილი. კვირეულის ფარგლებში მოსწავლეები ამზადებენ კედლის გაზეთებს, საინტერესო პრეზენტაციებს, ტარდება ღია გაკვეთილები და ვიქტორინები, ეწყობა გასვლითი ღონისძიებები და სხვადასხვა აქტივობა. კვირეულის დღეებში სკოლის კარი ღიაა მშობლებისათვის.

          დაწყებითი საფეხურის კათედრის კვირეული

        • 3 მარტს "მენაფირის აკადემიაში" გაიმართა დედის დღისადმი მიძღვნილი ღონისძიება

        • 28/04/2023

        • 3 მარტს "მენაფირის აკადემიაში" გაიმართა დედის დღისადმი მიძღვნილი ღონისძიება, რომელშიც მონაწილეობა მიიღეს დაწყებითი საფეხურის მოსწავლეებმა.

          დედა სიკეთის, სითბოსა და უსაზღვრო სიყვარულის განსახიერებაა . . .

          დედა სინაზისა და სიყვარულის ზღვაა . . .

          დედის დღე მარადისობის დღესასწაულია . . .

          დედა სიცოცხლის წყაროა, გულწრფელი, უანგარო სიყვარულისა და სიხარულის გამზიარებელია . . .

          "მენაფირის აკადემია" ულოცავს ყველა მშობელსა და პედაგოგს ამ დღეს.

        • თოჯინების თეატრის წარმოდგენა- "ბიჭუნა და კარლსონი"

        • 28/04/2023

        • 23 თებერვალს "მენაფირის აკადემია" მასპინძლობდა თოჯინების თეატრს. დაწყებითი საფეხურის მოსწავლეებისათვის გაიმართა წარმოდგენა- "ბიჭუნა და კარლსონი" (ასტრიდ ლინდგრენის ნაწარმოების მიხედვით). მსახიობები: ზურაბ ჯინჭარაძე, ლია ასლამაზიშვილი,ლეონტი შიოშვილი, დათო ბუჯიაშვილი.

        • კონფერენცია თემაზე: ,,სისხლის სისტემა და მისი მნიშვნელობა"

        • 28/04/2023

        • 16 თებერვალს ,,მენაფირის აკადემიაში" საბუნებისმეტყველო კლუბის წევრებისათვის ჩატარდა კონფერენცია თემაზე: ,,სისხლის სისტემა და მისი მნიშვნელობა", ასევე ბიოლოგიის პრაქტიკუმი - პირველადი დახმარების პრინციპები სისხლდენის დროს.

          კლუბის ხელმძღვანელი ლაშა ჭელიძე.

        • დოკუმენტური ფილმის ჩვენება - "დიდგორი"

        • 28/04/2023

        • 15 თებერვალს "მენაფირის აკადემიაში" ისტორიისა და სამოქალაქო განათლების კლუბის ორგანიზებით გაიმართა ვიდეო ჩვენება დოკუმენტური ფილმისა - "დიდგორი", რომელიც მოამზადა ცნობილმა იუთუბ არხმა "Kings and Generals", ინგლისური ენიდან ქართულ ენაზე კი თარგმნეს და გაახმოვანეს "მენაფირის აკადემიის" მე10 და მე11 კლასის მოსწავლეებმა: ნიკოლოზ გორგაძემ და გიორგი ხვედელიძემ.

        • კინოჩვენება, ფილმისა "მონა ლიზას ღიმილი"

        • 28/04/2023

        • 26 იანვარს "მენაფირის აკადემიაში" მოსწავლეთა თვითმმართველობამ მოაწყო კინოჩვენება, ფილმისა "მონა ლიზას ღიმილი", სადაც წარმოდგენილი იყო მასწავლებელთა და მოსწავლეთა ურთიერთდამოკიდებულება. ფილმის შემდეგ მოეწყო განხილვა და მოსწავლეებმა შესაბამისი დასკვნები გამოიტანეს.

        • პირველკლასელების სტუმრობა საგნგებო სიტუაციების მართვის სამსახურში

        • 28/04/2023

        • 23 დეკემბერს "მენაფირის აკადემიის" პირველკლასელები სტუმტად იმყოფებოდნენ ქ. რუსათავის საგნგებო სიტუაციების მართვის სამსახურში, მოსწავლეები შეხვდნენ მეხანძრე -მაშველებს, გაეცნენ სახანძრო სამაშველო აღჭურვილობებს,დაათვალიერეს სპეციალური ტექნიკა და სამახსოვრო ფოტოები გადაიღეს.

          მოსწავლეების სტუმრობის მთავარ მიზანს უსაფრთხოების ნორმების გაცნობა წარმოადგენდა,რაც ძალიან მნიშვნელოვანია საგანგებო სიტოაციების პრევენციისა და მზაობის გასაზრდელად.

        • თოჯინების თეატრი ,,თხა და გიგო"

        • 28/04/2023

        • 16 დეკემბერს ,,მენაფირის აკადემია" მასპინძლობდა თოჯინების თეატრს. დაწყებითი საფეხურის მოსწავლეებისათვის გაიმართა წარმოდგენა- ,,თხა და გიგო"(იაკობ გოგებაშვილის ნაწარმოების მიხედვით). მონაწილეობდნენ მსახიობები:ზურაბ ჯინჭარაძე, ლია ასლამაზიშვილი,ლეონტი შიოშვილი, დარინე ჭედია.

        • ისტორიის და სამოქალაქო განათლების კლუბის პრეზენტაცია

        • 28/04/2023

        • 12 დეკემბერს "მენაფირის აკადემიაში" გაიმართა ისტორიის და სამოქალაქო განათლების კლუბის პრეზენტაცია. პრეზენტაციაში კლუბის ხელმძღვანელმა გიორგი მენაფირემ წარადგინა კლუბის სამომავლო პროექტების და აქტივობების გეგმა, რაშიც მოსწავლეებიც ჩაერთვებიან თავიანთი იდეებით.

        • მოსწავლეთა თვითმმართველობის პრეზენტაცია თემაზე: "კომპიუტერი - ჩემი მეგობარი თუ მტერი"

        • 28/04/2023

        • 6 დეკემბერს "მენაფირის აკადემიის" მოსწავლეთა თვითმმართველობის წევრებმა ჩაატარეს პრეზენტაცია თემაზე: "კომპიუტერი - ჩემი მეგობარი თუ მტერი". პრეზენტაციაზე განხილული იყო კომპიუტერით სარგებლობის დადებითი და უარყოფითი მხარეები, გამახვილებული იყო ყურადღება იმ საკითხზე, თუ როგორ უნდა გამოიყენონ მოსწავლეებმა კომპიუტერი, როგორც მნიშვნელოვანი საინფორმაციო რესურსი სწავლისთვის.

        • პრეზენტაცია თემაზე: ,,შაქრიანი დიაბეტი'

        • 28/04/2023

        • 1-ელ დეკემბერს ,,მენაფირის აკადემიის" საბუნებისმეტყველო კლუბის წევრებისათვის ჩატარდა პრეზენტაცია თემაზე: ,,შაქრიანი დიაბეტი' და ბიოლოგიის პრაქტიკუმი-გლუკოზის დონის განსაზღვრა კაპილარულ სისხლში.

        • სათაური

        • Lorem ipsum dolor sit amet, consectetur adipisicing elit. Sint, adipisci, quibusdam, ad ab quisquam esse aspernatur exercitationem aliquam at fugit omnis vitae recusandae eveniet.

          Inventore, aliquam sequi nisi velit magnam accusamus reprehenderit nemo necessitatibus doloribus molestiae fugit repellat repudiandae dolor. Incidunt, nulla quidem illo suscipit nihil!Lorem ipsum dolor sit amet, consectetur adipisicing elit.