სიახლეები

        • სტუმრად ,,პიელ ნატურალსში’'

        • 23/02/2025

        • ჩვენი უსაყვარლესი პირველი ა კლასი სტუმრად ,,პიელ ნატურალსში’’.

          გაიცნეს ნატურალური კოსმეტიკის წარმოების პროცესი და საკუთარი ხელით დაამზადეს აბაზანის ბურთებიც. ვიზიტი ძალიან ხალისიანი და შთამბეჭდავი აღმოჩნდა.

        • ეთნოგრაფიული მუზეუმი

        • 23/02/2025

        • მესამე ა კლასის მოსწავლეებთან ერთად დაუვიწყარი დღე გავატარეთ ეთნოგრაფიულ მუზეუმში. ბავშვებს თიხის მასტერკლასი ჩაუტარდათ, სადაც თავიანთი პატარა ხელებით შექმნეს საოცარი ნამუშევრები. შემდეგ კი ძველი ქართული სახლების ეზოები მოვიარეთ, გავიცანით მათი უნიკალური ისტორია და შევიგრძენით იმ დროის სული. ყოველი მომენტი სითბოთი და ცნობისმოყვარეობით იყო სავსე – ნამდვილი ჯადოსნური მოგზაურობა წარსულში!

          ეთნოგრაფიული მუზეუმი

        • სტუმრად შატო ხაშმში

        • 23/02/2025

        • ჩვენი პირველი კლასის მოსწავლეებისთვის განსაკუთრებული დღე იყო – ისინი შატო ხაშმს ესტუმრნენ, სადაც დაუვიწყარი გამოცდილება მიიღეს.

          ბავშვებმა საკუთარი ხელით ხინკლის მოხვევა ისწავლეს და ქართული ტრადიციული კერძის მომზადებაში მონაწილეობა მიიღეს. ასევე, დიდი სიამოვნებით ამოავლეს ჩურჩხელები, გაეცნენ ტკბილეულის დამზადების პროცესს და თავიანთი პატარა შედევრები თან წაიღეს.

          ეს დღე სავსე იყო მხიარულებით, ახალი ცოდნითა და ულამაზესი ემოციებით. ექსკურსია არა მხოლოდ შემეცნებითი, არამედ ძალიან მხიარულიც აღმოჩნდა, რაც პატარა სტუმრებისთვის დიდი ხნის განმავლობაში დაუვიწყარი დარჩება.

        • მეხუთე კლასის ინგლისური გაკვეთილის კადრები!

        • 23/02/2025

        • ვიმუშავეთ თემაზე – შემოდგომა და ამინდი. მოსწავლეებმა ისაუბრეს ცივი შემოდგომის დილებზე, ფერად ფოთლებსა და წვიმიან საღამოებზე. გაკვეთილი სავსე იყო ახალი სიტყვებით, საინტერესო ისტორიებით და შემოქმედებითი იდეებით. სწავლისა და მხიარულების იდეალური კომბინაცია!

        • გიორგი კეკელიძე სტუმრად მენაფირის აკადემიაში

        • 23/02/2025

        • გიორგი კეკელიძის სტუმრობა ჩვენს სკოლაში ნამდვილი დღესასწაული იყო! მან გაგვიზიარა უნიკალური ისტორიები, ისაუბრა წიგნების სამყაროზე, მნიშვნელობასა და იმ ძალაზე, რომელსაც კითხვის სიყვარული გვაძლევს. მოსწავლეებმა არა მხოლოდ საოცარი ამბები მოისმინეს, არამედ პირდაპირი კონტაქტის საშუალებით შეიგრძნეს ის ენთუზიაზმი, რაც გიორგი კეკელიძეს ასე გამორჩეულს ხდის.განსაკუთრებით სასიამოვნო იყო მისი გულწრფელი საუბარი და ის იდეები, რომლებიც თითოეული ჩვენგანისთვის მოტივაციის წყაროდ იქცა. მადლობა გიორგის ამ დაუვიწყარი დღისათვის! თქვენი სიტყვები ჩვენთან დარჩება და ბევრისთვის გზამკვლევი იქნება.

          გიორგი კეკელიძე სტუმრად მენაფირის აკადემიაში

        • საინფორმაციო გაკვეთილი IV კლასში

        • 23/02/2025

        • საინფორმაციო გაკვეთილი IV კლასში , სადაც მოსწავლეებმა გაიგეს, როგორ ვრცელდება ვირუსები, განსაკუთრებით ზამთარში, და როგორ მუშაობს ‘დომინოს’ პრინციპი გადაცემაში.

          ვისწავლეთ ხელების სწორად დაბანის ტექნიკა, რომ დავიცვათ თავი და ერთმანეთი. ცოდნა, რომელიც თითოეულს გვეხმარება ვიყოთ ჯანმრთელები!

        • გაკვეთილი ციტრუსების ფერად სამყაროზე I ა კლასში

        • 23/02/2025

        • განსაკუთრებული გაკვეთილი ციტრუსების ფერად სამყაროზე I ა კლასში!

          ბავშვებმა შეიტყვეს, თუ როგორ გვაჩუქა ბუნებამ ეს სავსე და ტკბილი ხილი. ფორთოხალი, მანდარინი და ლიმონი ახლა მათთვის არა მხოლოდ გემრიელი, არამედ საინტერესო ისტორიის ნაწილი გახდა!🍋‍🟩

        • „აი ია“ დღეს ჩვენს პირველ „ა“ კლასში შემობრძანდა!

        • 23/02/2025

        • ამ სიტყვებმა ჯადოსნური ძალით გაანათა კლასი, და ბავშვების თვალები გააბრწყინა. ფერადი, ცოცხალი ია არა მარტო სითბოთი, არამედ ცოდნისა და მეგობრობის სურნელით შემოვიდა, თითოეული ბავშვის გულში პატარა საოცრება გააღვიძა.

        • 1გ კლასში განსაკუთრებული სტუმარი მოვიდა – აი-ია!

        • 23/02/2025

        • გაკვეთილმა ბავშვებს სიმსუბუქე და სიახლე მოჰგვარა, თითქოს ფერადი ზღაპრის ნაწილი გამხდარიყვნენ. ყოველი პატარა სიხარულით უყურებდა მას და გაოცებით უსმენდა. აი-იას სტუმრობა იმაზე მეტი იყო, ვიდრე უბრალოდ გაკვეთილი – ეს იყო ნაზი და თბილი დღე, რომელიც ყველას გულს დიდხანს გაათბობს.

        • 1ბ კლასში აი-იას შემობრძანება

        • 23/02/2025

        • 1ბ კლასში აი-იას შემობრძანებამ ნამდვილი იისფერი საოცრება მოიტანა!

          ბავშვების თვალებში სიხარული და ცნობისმოყვარეობა ანათებდა, ხოლო კლასში იისფერ სითბოსა და ზღაპრული ენერგიის ცოცხალი ხიბლი იგრძნობოდა. თითოეული ბავშვი აღფრთოვანებული შეეგება ამ განსაკუთრებულ დღეს, რომელიც ყველასთვის დაუვიწყარ მოგონებად დარჩება!

        • მშვენიერი ბანიანი სახლები

        • 23/02/2025

        • ჩვენი გაკვეთილები ყოველთვის მრავალფეროვანი და ინტერაქციულია. ამჯერად, ბავშვებმა საკუთარი ხელით შექმნეს ეს მშვენიერი ბანიანი სახლები, სადაც მათი შემოქმედება და შრომა საოცრად ჩანს. თითოეული დეტალი მათი იდეებისა და ნიჭის შედეგია, რაც სწავლების პროცესს კიდევ უფრო საინტერესოს და პრაქტიკულს ხდის.

          მშვენიერი ბანიანი სახლები

        • ჩემი გზა სახლიდან სკოლამდე.

        • 23/02/2025

        • წარმოგიდგენთ ჩვენი უნიჭიერესი 1ა კლასის პროექტს – ჩემი გზა სახლიდან სკოლამდე.

          ამ ნამუშევრებში თითოეული მოსწავლე თავისი უნიკალური ხედვით გვიჩვენებს, როგორი საინტერესო და ფერადია მათი ყოველდღიური გზა სკოლამდე. გაუმარჯოს მათ შრომასა და შემოქმედებას!

        • ტვინების ბრძოლა

        • 23/02/2025

        • დღეს სკოლაში გაიმართა ,,ტვინების ბრძოლა’’– ინტელექტუალური შეჯიბრი, რომელიც ყველა საფეხურის მოსწავლეებმა დიდი ინტერესითა და ენთუზიაზმით გაიარეს. ეს აქტივობა არამხოლოდ ცოდნისა და ლოგიკური აზროვნების გამოცდა იყო, არამედ გუნდური სულისკვეთების გამყარებაც.

          ტვინების ბრძოლა

        • სათაური

        • Lorem ipsum dolor sit amet, consectetur adipisicing elit. Sint, adipisci, quibusdam, ad ab quisquam esse aspernatur exercitationem aliquam at fugit omnis vitae recusandae eveniet.

          Inventore, aliquam sequi nisi velit magnam accusamus reprehenderit nemo necessitatibus doloribus molestiae fugit repellat repudiandae dolor. Incidunt, nulla quidem illo suscipit nihil!Lorem ipsum dolor sit amet, consectetur adipisicing elit.